Tottenham Oo Old Trafford Ku Jiid Jiiday 10 Xiddig Oo Manchester United Ah & Erik Ten Hag Oo Halis Ku Jira
Kooxda kubada cagta ee Tottenham ayaa guul weyn ka gaadhay kooxda Manchester United kulan ka tirsanaa horyaalka premier League oo ka dhacay Old Trafford.
Kulanka ayaa ahaa mid ay Manchester United 00 10 xiddig ku dhamaysatay qaybtii dambe ee ciyaarta.
Kooxda Tottenham ayaa daqiiqadii 3-aadba dhalisay goolka 1-aad waxaana u dhaliyay xiddiga Brennan-Johnson kaas oo hogaanka u dhiibay kooxdiisa.
Kooxda Tottenham ayaa wax walba kaga fiicnayd kooxda Manchester United kuwaasi oo ku dhibaatooday in ay weerar qaadaan.
Naadiga Man United ayaa daqiiqadii 42aad kaarka cas ama red card looga saaray xiddiga khadka dhexe ee Bruno-Fernandes kaas oo ciyaarta kooxdiisa kaga tagay 10 xiddig.
Qaybtii dambe ayay Tottenham si dar-dar leh ku bilaabatay iyaga oo doonayay in ay mar kale ka naxsadaan kooxda Manchester United.
Daqiiqadii 47aad ayay Tottenham dhalisay goolka 2-aad waxana u dhaliyay xiddiga Dejan – kaas oo ciyaarta ka dhigay 2-0.
Kooxda Manchester United ayaa isku dayday in ay samayso fursado laakiin waxa ay ku dhibaatoonaysay in ay dhaafto daafaca Tottenham.
Daqiiqadii 77aad ayay Tottenham dhalisay goolka 3-aad ee ay ciyaarta ku dishay waxana u dhaliyay xiddiga Dominic-Solanke kaas oo ciyaarta ka dhigay 3-0.
