Real Madrid Oo ku ciil baxday Osasuna iyo Vinicius Jr Oo Wacdaro Dhigay
Kooxda kubada cagta ee Real Madrid ayaa ku ciil baxday kooxda Osasuna kulan ka tirsanaa horyaalka spain ee La Liga kulan ay Los Blancos u badisay 4-0.
Kulanka ayaa ka tirsanaa isbuucii 13aad ee horyaalka La Liga waxaana uu ka dhacay garoonka real madriid ee Santiago Bernabue.
Khatarta ugu horaysay ee Real ayaa ka timid xiddiga Rodrygo kaas oo laad xoggan ku laaday Goolka kooxda Osasuna.
Kooxda Real Madrid ayaa war xun heshay kadib markii daqiiqadii 19aad iyo 29aad ka dhaawacmeen xiddigaha Rodrygo iyo Militao kuwaas oo lagu badalay Ibrahim-Diaz iyo da’yarka Raul-Asensio.
Daqiiqadii 34aad ayay kooxda Real Madrid dhalisay goolka 1-aad waxaana u dhaliyay xiddiga Vinicius Jr kaas oo dhaliyay gool qurux badan oo uu dhaafay daafacyada kooxda Osasuna.
Xiddiga reer england ee Bellingham ayaa daqiiqadii 42-aad kooxdiisa hoggaanka u dheereeyay isaga oo ciyaarta ka dhigay 2-0.
Bilowgii qeybta labaad ee ciyaarta Vasquez ayaa isaga baxay ciyaarta kadib markii uu dareemay xanuun ka hor dhamaadka qeybta hore, waxaana booskiisa qaatay Modric.
Daqiiqadii 61-aad Vinicius ayaa goolka saddexaad u dhaliyay kooxdiisa, waxana uu ciyaarta ka dhigay 3-0 ay kooxdiisu ku hogaaminayso.
Isagoo caawinaad ka helay Brahim-Diaz, Vinicius ayaa dhaliyay seddexleydiisii iyo goolkii afaraad ee kooxda Real Madrid daqiiqadii 68-aad ee ciyaarta.
Natiijadqan ayaa keentay in Real Madrid ay hesho dhibcaha ay ku fadhido kaalinta 2-aad ee kala saraynta horyaalka Spain ee laliga 27-dhibcood.
