Real Madrid Oo Garaacday RB Leipzig Hal Lugna La Gashay Wareega Xiga Ee tartanka Champions League
Kooxdka kubadda cagta ee Real Madrid ayaa guul qaali ah ka gaartay kooxda martida loo ahaa ee Naadiga Leipzig, waxa ayna guushu ku raacday (1-0) kulan ka tirsanaa lugta 1aad ee wareega 16ka champions League.
Naadiga Real Madrid ayaa kulanka soo gashay, kadib markii ay kaalinta 1-aad kaga soo baxday wareegii Group-ada tartanka champions League.
Dhinaca kooxda reer Jarmal ee Leipzig, waxay ku soo baxday kaalinta labaad ee Group-ka ay ku jirtay ee wareegii Group-yada champions League.
Kulanka ayaa bar-bar dhac lagu kala nastay qeybtii hore ee ciyaarta, inkasta oo fursado badan oo weerar ah ay heleen labada koox, iyada oo ay si qurux badan u ciyaareen daafacyada labada kooxood.
Kooxda Leipzig ayaa daqiiqadii 3-aadba laga diiday gool uu u dhaliyay xiddiga Benjamin-Sisko, sababta oo ah qalad uu ku galay Henriques, kaas oo isticmaalay gacantiisa, waxaana tani loo arkaa faragelin jireed sababta oo ah wuu riixay, goolhaye Andrey Lunin ayaa gadaal ka yimid.
Qeybta labaad ee ciyaarta ayaa ahayd ciyaar aad u wanaagsan, oo xamaasad badan leh, iyada oo labada kooxood ay is dhaafsadeen maamulida ciyaarta, waxaa goolkii ugu horeeyay Real u dhaliyay Brahim Diaz daqiiqadii 48aad.
Labada Naadi ayaa halkooda kasii waday isku dayo ay ku doonayeen inay ku dhaliyaan goolka kale, waxaana mid walba u suuragashay inay gaarto goolka kale in ka badan, balse feejignaanta goolhayayaasha iyo daafacyada ayaa u diiday in midkood uu gool kale ku daro, sidaasina ku dhamaatay Ciyaarta.
Kulanka Lugta labaad ee Real Madrid iyo Leipzig ayaa la qorsheeyay in lagu qabto garoonka Santiago Bernabeu ee dalka Spain, Arbacada oo ah lixda bisha soo socota ee Maarso ama March.
