Manchester United Oo Xasuuqday Barnsley, kulan ka tirsanaay Carabao Cup oo ay Ciyaareen
Kooxda kubada cagta ee Man United ayaa xasuuq ba’an u gaysatay kooxda Barnsley kulan ka tirsanaa tartanka Carabao Cup-ka.
Tababare Erik Ten Hag ayaa shaxda ku soo galay xiddigaha aan sida joogtada ah ugu ciyaarin kooxda kulamadii hore ee xilli ciyaareedkaan.
Kooxda Man United ayaa si dar-dar leh ku bilaabatay ciyaarta iyaga oo doonayay in ay dhaliyaan goolal wakhti hore ah.
Xiddiga reer England ee Marcus Rashford ayaa dhaliyay goolka 1-aad daqiiqadii 16-aad waxana uu hogaanka u dhiibay kooxdiisa.
Kooxda Man United ayaa sii waday dadaalada waxana daqiiqadii 36-aad goolka u dhaliyay xiddiga Antony kaas oo ciyaarta ka dhigay 2-0.
Xiddiga reer argentina ee Alejandro Garnacho ayaa daqiiqadii 45-aad dhaliyay goolka 3-aad ee kooxdiisa isaga oo ciyaarta ka dhigay 3-0.
Qaybtii dambe ayay Manchester United sii waday weerarada iyaga oo u muuqday kuwo doonayay doonayay in ay badiyaan goolasha.
Daqiiqadii 49-aad ayuu xiddiga Alejandro Garnacho dhaliyay goolka 4-aad ee kooxdiisa isaga oo ciyaarta ka dhigay 4-0.
Rashford ayaa daqiiqadii 58-aad dhaliyay goolka 5-aad waxana uu ciyaarta ka dhigay 5-0.
Kooxda Manchester United ayaa dhamaystirtay Nus-darsinka goolasha iyadoo uu Eriksen dhaliyay goolka 6-aad ee kooxdiisa.
Xiddiga Eriksen ayaa dhaliyay goolka 7-aad ee kooxdiisa isaga oo ciyaarta ka dhigay natiijo waali ah oo ah 7-0.
Waxaa sidaas ku dhamaatay ciyaarta oo ay Manchester United xasuuqday Barnsley
