Man City Oo Guuldarro ceeb ah aysan filaneynin Kala Kulantay Brighton

Waxa sii socda taxanaha natiijooyinkii xumaa ee kooxda Man City iyadoo guuldaro lama filaan ah kala kulantay kooxda Brighton kulan ka tirsanaa horyaalka premier league.

Kulanka ayaa ahaa mid ay kooxda Man City ku bilaabatay si dar-dar leh iyadoo Brighton iska khasaarisay fursado badan.

Daqiiqadii 23aad ayay Man City dhalisay goolka 1-aad waxana u dhaliyay xiddiga Haaland kaa soo hoggaanka u dhiibay kooxdiisa.

Kooxda Brighton ayaa dhinaceed qaadaysay weeraro ay ku samaysay fursado laakiin waxay ku dhibaatoonayeen in ay goolal u badalaan.

Qaybta dambe ee ciyaarta ayay Brighton sii waday dadaalkooda iyaga oo aan marna ka niyad jabin isku daygooda si ay dhaliyaan bar-baraha.

Daqiiqadii 78-aad ayay Brighton dhalisay goolka bar-baraha waxana u dhaliyay ciyaaryahanka Pedro kaas oo ciyaarta ka dhigay 1-1.

Kooxda Brighton ayaan halkaas ku joogsan waxaana daqiiqadii 83-aadba dhaliyeen goolka 2-aad waxaana u dhaliyay ciyaarhayanka O’Riley kaas oo ciyaarta ka dhigay 2-1.

Waxaa sidaas ku dhawaatay ciyaarta oo ay Manchester City la kulantay guuldaro kale oo ka dhigan Afar kulan oo xiriir ah.