Man City Oo Dhibco Ku Lumisay garoonka kooxda Newcastle
Kooxda kubada cagta ee Man City ayaa sii wada luminta dhibcaha horyaalka premier League iyagoo bar-baro la galay kooxda Newcastle.
Manchester City ayaa bar-baro 1-1 ah la gashay kooxda Manchester City kulan ka dhacay garoonka San-James’s Park.
Kooxda Man City ayaa ahayd kooxda maamulaysa ciyaarta iyaga oo ka awood badnaa Newcastle oo qaab difaaceed ku jirta.
Kooxda uu maamulo Pep Gurdiola ayaa daqiiqadii 35-aad dhalisay goolka 1-aad waxaana u dhaliyay Jasko-Gvardiol kaas oo hogaanka u dhiibay kooxdiisa.
Manchester City ayaa isku dayday in ay sii dheeraysato hoggaanka ciyaarta iyadoo fursado samaynaysa.
Dhinaca kale kooxda Newcastle United ayaa daafac ku jirtay waxana ay qaadaysay weeraro rogaal celis ah.
Waxaa sidaas ku dhamaatay qaybta hore ee ciyaarta oo ay Manchester City hogaaminayso isla markaas ahayd kooxda fiican.
Qaybtii dambe ayay kooxda Newcastle soo qaadatay iyaga oo raadinayay in ay dhaliyaan goolka bar-baraha.
Daqiiqadii 58-aad ayay kooxda Newcastle dhalisay goolka bar-baraha waxana u dhaliyay xiddiga Antony-Gordon kaas oo ciyaarta ka dhigay 1-1.
Waxaa sidaas ku dhamaatay ciyaarta oo ay Manchester City dhibco kale ku lumisay premier League.
