DEG-DEG: Barcelona Oo Laga Diiday Diwaan Galinta Dani Olmo.

Kooxda Kubada Cagta ee Barcelona ayaa la kulantay dhirbaaxo xun oo ku saabsan diiwaan-gelinta xiddiga reer Spain ee Dani-Olmo, kaasoo aan u ciyaari karin Barcelona sanadka cusub 2025 Bisha January.

Barcelona ayaa xiddiga Olmo si ku meel gaar ah u diwaan-galisay ilaa dhammaadka bishaan December.

Sida lagu sheegay xog uu helay wargeyska “Mundo-Deportivo” ee kasoo baxa dalka Spain, maxkamaddu waxa ay diiday codsigii Barcelona ee ahaa in Olmo la diiwaan geliyo illaa bisha June 30, 2025.

Barcelona waxa ay heli doontaa laba xal oo ay ku diwaan-geliso ciyaaryahanka Olmo: marka hore waa ina ay bixiso dammaanad dhaqaale oo ka timaada guddiga maamulka kooxda, ama in ay iibiso kuraasta VIP-da ee garoonka cusub ee Camp Nou.

Waxaa xusid mudan in Barcelona ay haysato ilaa saqda dhexe ee caawa si ay u diwaan geliyaan ciyaaryahanka, haddii ay ku fashilmaan in ay diwaan-galiyaan waxa uu si xor ah ugu biiri karaa kooxda uu doonayo suuqa January.