Chelsea Oo Xasuuqday Brighton, Palmer Oo Wacdaro Dhigay & Arsenal Oo Guul Wakhti Dambe Ah Ka Gaadhay Leicester City

Kooxda kubada cagta ee Chelsea ayaa xasuuqday kooxda Brighton iyagoo sii wata qaab ciyaareedkooda cajiibka ah.

Xiddiga Cole-Palmer ayaa dhinaciisa qaab ciyaareedkiisa u qaaday heer kale kulanka.

Kooxda Blues ayaa ku badisay 4-2 waxana ay uga mahad celinayaan xiddiga Palmer oo dhaliyay 4-ta goolba.

Kooxda Brighton ayaa daqiiqadii 7-aad Chelsea kaga naxsatay gool waxana u dhaliyay xiddiga Georginhio-Rutter kaas oo ciyaarta ka dhigay 1-0.

Laakiinse Palmer ayaa laba gool oo deg-deg ah kala dhaliyay daqiiqadihii 21-aad iyo 28-aad ee ciyaarta.

Palmer ayaa mar kale soo laabtay waxaana uu daqiiqadii 31-aad dhaliyay goolka 3-aad ee shaqsiga ah iyo goolka 3-aad ee kooxdiisa.

Kooxda Brighton ayaa daqiiqadii 34-aad dhalisay goolka 2-aad waxana u dhaliyay xiddiga Carlos-Baleba kaas oo ciyaarta ka dhigay 3-2.

Laakiin xiddiga Palmer oo ahaa xiddiga ugu fiican ciyaarta ayaa daqiiqadii 41-aad dhaliyay goolka 4-aad ee ciyaarta waxana uu ka dhigay 4-2.

Dhanka kale Kooxda Arsenal ayaa guul wakhti dambe ah ka gaadhay kooxda Leicester City kulan ka dhacay garoonka Emirates.

Xiddigaha Gabriel-Martinelli iyo Leondro-Trossard (2), Kai-Havertz ayaa Arsenal ka caawiyay in ay guusha ka gaarto kulanka.

Dhinaca kale xiddiga James-Jastin ayaa dhaliyay 2-da gool ee kooxda Leicester City.