Harry Maguire oo markale Gool Iska Dhaliyay Xilli England ay guul raaxo leh ka gaartay wadanka Scotland
Dhibaatada Harry Maguire ayaa weli socotasocota, kadib markii uu shabaqa iska soo taabtay kulankii saaxiibtinimo ee ay England 3-1 uga badisay Scotland, iyada oo Jude Bellingham uu gool iyo caawinaad isku darsaday.
Laakin Scotland ayaa caawinaad heshay daqiiqadii 68-aad, kadib markii uu Maguire gool iska dhaliyay. Daafaca dhexe ee ku fashilmay Manchester United ayaa bedel ku soo galay qeybtii labaad isagoo bedelay Marc Guehi.
Waxa uu daafaca Brighton ee Lewis Dunk ku weheliyay wadnaha difaaca England, laakiin si ulaula kac ah ayuu Scotland uga caawiyay in ay ciyaarta dib ugu soo laabato.
Andy Robertson ayaa karoos ka soo dhigay garabka midig, Maguire ayaa isku dayay in uu kubada bixiyo, laakiin bedelkeeda waxa uu kubada daba mariyay goolhaye Aaron Ramsdale, taasi oo gool noqotay.
Balse England ayaa dib u soo ceshatay hogaankeeda labada gool, markii kabtan Harry Kane uu dhaliyey goolka seddexaad ka dib caawinaad uu ka helay Jude Bellingham.
Ciyaarta ayaa kusoo dhamaatay 3-1 oo ay England ku garaacday xulka Scotland.
Share this content:
