Man City oo Guuldarrooyinkii xiriirka ahaay kusii socota iyo Kooxda Aston Villa oo markale guul darro dhabarka u xabaarsiisay
Kooxda Kubadda cagta ee Man City ayaa sii wada natiijooyinkii xumaa ee horyaalka Premier League iyagoo guuldarro kala kulmay kooxda Aston Villa.
Naadiga Aston Villa ayaa si dar-dar leh ku bilaabatay ciyaarta iyagoo doonayay in ay ka badiyaan kooxda Manchester City.
Daqiiqadii 16aad ayay kooxda Aston Villa dhalisay goolka 1-aad waxaana u dhaliyay xiddiga J. Duran kaas oo ciyaarta ka dhigay 1-0.
Manchester City ayaa wax walba u samaysay siday u dhalin lahayd bar-baraha iyada oo kooxda Aston Villa difaac adag gashay.
Waxaa sidaas ku dhamaatay qaybtii hore ee ciyaarta oo ay Manchester City samaysay wax walba oo ay awoodo laakiin ayna wax gool ah dhalin.
Qaybtii dambe ayey Aston Villa si dar-dar leh ku bilaabatay iyagoo doonayay in ay sii dheeraystaan natiijadaa.
Daqiiqadii 65aad ayay naadiga Aston Villa dhalisay goolka 2aad waxana u dhaliyay xiddiga Morgan-Rogers kaas oo ciyaarta ka dhigay 2-0.
Manchester City ayaa daqiiqadii 93+3-aad dhalisay goolka 1-]aad waxana u dhaliyay xiddiga Phil-Foden kaasi oo ciyaarta ka dhigay 2-1.
Waxaa sidaas ku dhamaatay ciyaarta oo ay Manchester City la kulantay guuldarro kale oo xanuun badan Horyaalka Premier League.
